15 декабря 2012 г.
РФ Правительствин кăçалхи чÿк уйăхĕн 12-мĕшĕнчи 1156-мĕш йышăнăвĕпе килĕшÿллĕн, водителĕн ют транспорт хатĕрĕпе çÿренĕ чух шантару хучĕ илсе çÿремелли тивĕçне çул-йĕр правилисенчен кăларнă.
Çапла вара водителĕн ют транспорт хатĕрĕпе çÿренĕ чух водитель удостоверенийĕ, транспорт хатĕрĕн регистраци свидетельстви, ОСАГО страховани полисĕ çителĕклĕ. Анчах та страховани килĕшĕвĕнче çак транспорт хатĕрĕпе çÿреме пултаракан уйрăм çынсене е унпа кирек кам та çÿреме пултарнине палăртмалла. Маларахри улшăнусемпе килĕшÿллĕн, техника тĕрĕслевĕнче пулнине ĕнентерекен талон та илсе çÿремелле мар. Транспорт хатĕрĕсене регистрацилессинче те улшăнусем пур. Маларах транспорт хатĕрĕсене 5 кунра регистрацилемелле пулнă, халĕ – вунă кунра.