14 сентября 2013 г.
ПАТĂРЬЕЛĔНЧИ 7-мĕш професси училищи республикăра та чи "ваттисенчен" пĕри: вăл 1924 çулта уçăлнă. Тĕрлĕ çулта унăн ячĕ тĕрлĕрен илтĕннĕ пулин те кунта яланах яш-кĕрĕме ял хуçалăхĕнче кирлĕ профессисене алла илме пулăшнă. Халĕ те çаплах. Нумай пулмасть вара çĕнĕ хыпар паллă пулчĕ. Сентябрĕн 11-мĕшĕнче Шупашкарта Министрсен Кабинечĕ ирттернĕ ларура училище малашне "Патăрьелĕнчи агропромышленноç техникумĕ" ятлă пулассине пĕлтернĕ.
_ Савăнăçлă хыпаршăн питĕ савăнтăмăр. Малашне пирĕн пата вĕренме килекенсен шучĕ тата та ытларах ỹсессе шанса тăратпăр, _ тет В. Николаев директор.
Источник: "Авангард" (газета Батыревского района)