14 сентября 2013 г.
Вăрмана кĕрсен сывлама çăмăлрах, чунра канлĕрех. Ку çеç те мар-ха. Вăл çынсене хăйĕн пуянлă-хĕпе _ мăйăрпа, кăмпапа, çырлапа савăнтарать, çуллен строительствăра кирлĕ материалсене те пайтах касса турттараççĕ. Анчах кунта та йĕрке кирлĕ: çăмăлттай этемсене пула çулăм алхасасран, йывăçсене касса-амантса пĕтересрен сыхламалла, çĕнĕ хунавсем лартмалла. Шăмăршă лесничествин Палтиел участокĕн мастерĕ Г. Сымкин патшалăх вăрманĕн пысăк лаптăкне (Кзыл Камышран пуçласа Елчĕк тăрăхĕнчи Шăмалак таранчченех) пăхса тăрать. Геннадий Вениаминович Алманчăра çуралса ỹснĕ, 2002 çултанпа çак системăра вăй хурать. Ĕçтешĕсем вăл хăйне шаннă тивĕçе чунтан парăнса пурнăçланине палăртаççĕ.
Источник: "Авангард" (газета Батыревского района)