18 сентября 2013 г.
ЧĂВАШ Республикин паллă спортсменĕ, Нăрваш Шăхаль çĕрĕ çинче ỹссе çитĕннĕ Ирина Калентьева иртнĕ канмалли кунсенче Норвегинче маунтинбайкăн кросс-кантри енĕпе иртнĕ тĕнче Кубокĕн улттăмĕш этапне хутшăннă, унта лайăх результат кăтартнă. Пекинри Олимпиадăн бронза призерĕ дистанцине 1 сехет те 25 минут та 34 çеккунтра ярăнса тухнă, пьедесталăн чи çỹлти картлаçĕ çине тăма тивĕçнĕ. Финиша Ева Лехнер итальян иккĕмĕш, Жюли Брессе француз виççĕмĕш çитнĕ.
Источник: "Авангард" (газета Батыревского района)