21 сентября 2013 г.
" Çак ятпа пуçарчĕç калаçу Патăрьелĕнчи пĕрремĕш вăтам шкулти тăххăрмĕш класра вĕренекенсем. Унта сывă пурнăç йĕркине тытса пырас тĕллевпе мĕнле апатланмалли çинчен те сăмах хускатрĕç.
Хĕвел, сывлăш, шыв _ чи лайăх "туссем". Кашнийĕшех кирлĕ этеме. Вĕсемсĕр пуçне спортпа çывăх пулни те сывлăхшăн пĕлтерĕшлĕ.
Пĕрлех вĕренекенсем ор-ганизма çирĕплетекен витаминсем çинчен те аса илчĕç. Юлашкинчен районти спортсменсен çитĕнĕвĕсене кăтартакан презентаци пăхрĕç, ваттисен сăмахĕсене каларĕç.
Класри А. Кувшинов, Н. Яин, Р. Хафизов, А. Вахитов "Паттăр" спорт шкулĕн кĕрешỹ секцине çỹреççĕ. Е. Сандыркина унти ишме вĕренекенсемпе ăмăртасшăн. Спортпа туслашас текенсем татах та пур. Ачаран сывă пулни малашлăхшăн та лайăх. Çакăн пек пĕтĕмлетỹ патне тухрĕç юлашкинчен.
В. ФЕДОРОВА, класс ертỹçи.
Источник: "Авангард" (газета Батыревского района)