25 сентября 2013 г.
Сентябрĕн 20-мĕшĕнче район администраци залĕнче район депутачĕсен Пухăвĕн черетлĕ ларăвĕ иртнĕ.
Унăн ĕçне район пуçлăхĕ Михаил Петров, администраци пуçлăхĕ Николай Глухов, пĕрлех ял тăрăх пуçлăхĕсем, администраци подразделенийĕсен ертỹçисем хутшăннă. Хальхинче халăх "тарçисем" районăн кăçалхи çур çулти бюджетне пурнăçлани пирки тунă отчета çирĕплетнĕ, районăн пĕрлештернĕ бюджетне сакăр уйăхра епле пурнăçласа пынине тишкернĕ, отчетлă çул пĕтичченхи задачăсене сỹтсе явнă. Ку ыйтупа район администрацийĕн финанс пайĕн начальникĕ Светлана Чернова тухса калаçнă. Ларура çавăн пекех районта бюджет хутшăнăвĕсене тата налук ыйтăвĕсене йĕркелемелли положенисене çирĕплетнĕ, муниципалитет пурлăхне пĕр тỹлевсĕр федераци пурлăхĕ çине куçарас пирки йышăну тунă тата район Пухăвĕн маларахри йышăнăвне улшăнусем кĕртнĕ.
(Хамăр корр.)
Источник: "Авангард" (газета Батыревского района)