02 октября 2013 г.
Авăн уйăхĕн 26-29-мĕшĕсенче Чăваш Ен Пуçлăхĕ Михаил Игнатьев Пĕтĕм тĕнчери ХII "Сочи-2013" инвестици форумĕнче пулнă. Республика Пуçлăхĕ пĕрлехи "Экономика аталанăвĕ тата пурнăç пахалăхĕ: ыйтусем тата малашлăх" ларăва, Раççей Правительствин Председателĕ Дмитрий Медведев федераци субъекчĕсен ертỹçисемпе регионсен инвестици илĕртỹллĕхне ỹстерес ыйтусемпе ирттерекен тĕл пулăва, темиçе "çавра сĕтеле" тата дискуссисене хутшăннă.
Форум вăхăтĕнче ЧР Министрсен Кабинечĕпе "Оргсинтез ушкăн" АХО хушшинчи Çĕнĕ Шупашкарта "Химпром" АУОн промышленноç лапамĕнче "Антрахинон мелĕпе çулталăкра 50 пин тонна водород перекиçĕ туса кăларакан çĕнĕ производство йĕркелесси" проекта пурнăçламалли килĕшĕве алă пуснă. Çавăн пекех Чăваш Ен Правительствипе "Раççей сечĕсем" АУО Шупашкарти электромеханика колледжĕн никĕсĕ çинче электроэнергетика отраслĕ валли специалистсем хатĕрлекен тытăма аталантарас енĕпе алла-аллăн ĕçлесси çинчен калакан килĕшỹ тунă. Т. ИВАНОВ
Источник: "Авангард" (газета Батыревского района)