09 октября 2013 г.
ВУТ-КĂВАРПА, пысăк тăкакпа çыхăннă кĕтмен инкек пурин сехрине те хăпартать. Ку тĕлĕшпе кăçал Юхмапа Пăла тăрăхĕшĕн ĕç-пуç ăнăçлах мар. Районти пушар надзорĕнчен пĕлтернĕ тăрăх, тăхăр уйăхра сирена кăшкăртса васкакан хĕрлĕ автомашинăсем 37 хутчен инкек пулнă вырăнсене тухса кайнă. Е иртнĕ çулхипе танлаштарсан 32 процент ытларах! Сăлтавĕсем пирки пушарниксем чылай чан çапаççĕ пулин те, çынсем яланхиллех электрооборудованисемпе усă курнă чухне асăрханмаççĕ. Акă, Çĕньялта Макаровсен хуçалăхĕнче алхаснă пушар та çутă сỹнтеркĕчĕ юсавсăр пулнăран амаланнă. Хăрушши пĕр çакă çеç мар-ха _ вут серепине çакланнă хĕрĕнкĕ кил хуçи тĕтĕм-сĕрĕмпе чыхăнса вилнĕ.
Источник: "Авангард" (газета Батыревского района)