19 октября 2013 г.
ПАТĂРЬЕЛĔНЧИ ачасемпе çамрăксен спорт шкулне çỹрекенсем тăтăшах республикăри тĕрлĕ шайри тупăшусене хутшăнаççĕ. Вăл çеç те мар-ха, час-часах хисеплĕ вырăнсене те çĕнсе илеççĕ. Нумай пулмасть Кукеçре яш спортсменсем хушшинче алă вăйне виçессипе иртнĕ тупăшуран та каччăсемпе хĕрсем мăнаçланса таврăннă. Шăнкăртамри пĕрремĕш вăтам шкулта вĕренекен Ильназ Купкенов, Лилия Муллина, Гузель Яфизова, Ыхра Çырминчи Эльмира Алеева хăйсен виçисемпе пурне те парăнтарнă.
Сăмах май каласан, юлашки çулсенче районта армспорт начар мар аталанса пырать. Ку енĕпе хĕрсемпе хĕрарăмсем те час-часах алă чăмăрĕнче вăй çителĕклех пулнине кăтартса параççĕ.
Источник: "Авангард" (газета Батыревского района)