Публикации » “Паттăр” спорт комплексĕн пĕрремĕш юбилейĕ

26 декабря 2012 г.

Район центрĕнче хăтлă та капăр спорт комплексĕ хута кайни пилĕк çул çитрĕ. Çак тапхăрта кунта нумай-нумай çын хăйĕн сывлăхне тĕреклетнĕ, тĕрлĕ шайра ăмăртусем, тĕл пулусем йĕркеленĕ. Капăр керменĕн алăкĕ пуриншĕн те уçă. Спорт тусĕсемпе сывă пурнăç йĕркине хапăллакансем пĕрремĕш юбилея та сарăмсăр çеç ирттерсе яман. Иртнĕ шăмат кун кунта савăнăçлă уяв йĕркеленĕ, хĕрарăмсемпе арçынсен командисем волейболла выляса тупăшнă. Спортсменсене район администрацийĕн пуçлăхĕ Николай Глухов та саламланă, паттăр ен хастарĕсене малашне те республикăра кăтартуллисен шутĕнче пулма ăнăçу суннă.