13 ноября 2013 г.
ВĂРĂ вăрлать те хăварать, пушартан нимĕн те юлмасть, теççĕ. Кăçал çеç районта çулăм 41 хутчен алхаснă. Пĕлтĕр вара çак вăхăт тĕлне 30 кăна регистрациленĕ. Инкекре 2 çын вилнĕ, 2176200 тенкĕлĕх пурлăх кĕле çаврăннă. "Хĕрлĕ автан" электрооборудованисем киввипе тата унпа тĕрĕс мар усă курнипе _15, вутпа асăрханусăррипе _ 10, хутмалли кăмакасем юсавсăррипе _ 9 хутчен иртĕхнĕ. Юлашки 5 çулта Кзыл Камышра, Каншелĕнче, Кĕçĕн Чементе, Кĕçĕн Шăнкăртамра, Чĕпкасра, Вăрманхĕрри Шăхалĕнче, Тутар Тимешĕнче, Туçара, Шăхаль Выселкинче, Ульяновкăра, Хурама Тварта пушара хирĕçле мероприятисене пăхăннăран тата асăрхануллă пулнăран лăпкă пурăнаççĕ. Вут-çулăмпа кĕрешекен машинăсен çак тапхăртах Патăрьелне _ 30, Çĕнĕ Ахпỹрте _ 11, Çĕньяла _ 8, Шăхачпа Сăкăта 7-шер хутчен çитме тивнĕ.
Источник: "Авангард" (газета Батыревского района)