Публикации » Пакунлă аннесем йĕрке хуралĕнче те пайтах

27 ноября 2013 г.

ЧЫЛАЙ чухне эпир полицинче тăрăшакансен ушкăнĕнче арçынсене ытларах курма хăнăхнă. Паян вара пакунлисен йышĕнче чиперккесен йышĕ те пысăк. Акă, хальхи вăхăтра республикипе йĕрке хуралĕнче пине яхăн хĕрарăм тăрăшать-мĕн. Яваплă тивĕçе пурнăçлакансем пирĕн районта саккăрăн. Вĕсенчен улттăшĕ _ пакунлă аннесем. Çул çитмен ачасемпе ĕçлекен пай пуçлăхĕ Вероника Кузнецовапа пай инспекторĕ Лариса Комиссарова виçшер ачана воспитани параççĕ. "Милици" администрацийĕ çăмăл мар службăра тăрăшакан хĕрарăмсене Раççейри Аннесен кунĕ ячĕпе саламланă, малашне те район тăнăçлăхĕшĕн тỹрĕ кăмăлпа ĕçлеме ырă суннă.

Источник: "Авангард" (газета Батыревского района)