27 ноября 2013 г.
РАЙОНТИ ГИБДД инспекторĕсем çула тухакан водительсен çăвара пĕр тумлам эрех-сăра та сыпмалла мар пирки асăрхаттарсах тăраççĕ пулин те, хыт хăлхаллисем çав-çавах тупăнаççĕ-ха. Акă, Шăнкăртамра каçхине çичĕ сехетсенче пысăк инкек пулнă. Çăмăл автомашинăпа пыракан 35 çулсенчи арçын икĕ хĕр ача çине пырса кĕнĕ. Ỹсĕр водитель курса-тăрса аварие çакланнăскерсене пулăшма мар, анса та пăхман, пăрахнă та хăварнă. Çул-йĕр инспекторĕсем çирĕплетнĕ тăрăх, арçыннăн руль умне ларма ирĕк паракан удостоверенийĕ те пулман. Хальхи вăхăтра хĕр ачасен пурнăçĕ _ шурă халатлисен аллинче. Вĕсене иккĕшне те йывăр сурансемпе çи-йĕнчех больницăна леçнĕ. Икĕ ача ашшĕн вара çак преступленишĕн суд сакки çине лармах тивĕ.
Источник: "Авангард" (газета Батыревского района)