04 декабря 2013 г.
Ĕнер Тĕнчери инвалидсен кунĕ пулчĕ. Вăл уяв мар. Ăна пирĕн хушăмăрти сывлăх тĕлĕшĕнчен сусăр, сывă мар çынсен пулнăран ыйтăвĕсене татса памалли, тимлĕрех пулмалли кун тесен тĕрĕсрех. Юхмапа Пăла тăрăхĕнче тĕрлĕ ушкăнри виçĕ пин ытла инвалид шутланать. Район администрацийĕн пуçлăхĕ Николай Глухов вĕсене малашне те пурнăçа юратма, пуласлăха шанма ырă суннă.
Районта сывлăх тĕлĕшĕнчен ыттисенчен уйрăлса тăракансен проблемисене шута илес, чакарас, сусăрсене хавхалантарас тĕлĕшпе районти тĕп больницăра тата Патăрьелĕнчи "Çăлкуç" реабилитаци центрĕнче инвалидсен сывлăхне тĕрĕслекен уйăхлăх, "Паттăр" физкультурăпа спорт комплексĕнче шашка турнирĕ ирттернĕ, районти тĕп библиотекăра курав йĕркеленĕ, декабрĕн 2 _ 3-мĕшĕсенче парикмахерскисенче çурма хакпа йышăннă.
(Хамăр корр.).
Источник: "Авангард" (газета Батыревского района)