11 декабря 2013 г.
Çĕнĕ 2014 çул çывхарнă май уява кĕтсе илме çуртсене хитрелетес, тĕрлĕ тĕслĕ çутăпа илемлетес тата çĕнĕлĕхсем кĕртес тĕллевпе районти предприятисемпе организацисем тата уйрăм хуçалăхпа пурăнакансем хушшинче раштавăн 5-мĕшĕнчен пуçласа 25-мĕшĕччен "Хĕллехи фантази" конкурс йĕркеленĕ. Çавна май комисси туса хунă, ăна ертсе пыма район администраци пуçлăхĕн çумне, вĕрентỹ пайĕн начальникне В. Осипова шаннă. Раштавăн 25-мĕшĕнче çак номинацисене пĕтĕмлетеççĕ:
_ "Чи хитре илемлетнĕ предприяти, организаци тата учреждени";
_ "Чи хитре илемлетнĕ уйрăм çурт";
_ "Чи хитре илемлетнĕ пĕчĕк бизнес предприятийĕ (суту-илỹ çурчĕ, обществăлла апатлану предприятийĕ, йăла тивĕçтерĕвĕн предприятийĕ)".
Хутшăнас кăмăллисен раштавăн 20-мĕшĕччен заявка тăратмалла.
Конкурса предприятисем, учрежденисем, организацисем, индивидуаллă предпринимательсем, уйрăм çынсем те хутшăнма пултараççĕ. Çĕнтерỹçĕсене дипломсем тата парнесем парса хавхалантараççĕ.
(Хамăр корр.)
Источник: "Авангард" (газета Батыревского района)