11 декабря 2013 г.
ЧР Сывлăх сыхлавĕпе социаллă аталану министерствинче республикăри пичетлекен тата электрон майĕпе кăларакан массăллă информаци хатĕрĕсенче ĕç сыхлавĕн ыйтăвĕсене лайăх тата тăтăш çутатса тăрас тĕлĕшпе пĕлтĕр ирттернĕ конкурс итогĕсене пĕтĕмлетнĕ. Ăна халăха ĕç сыхлавĕ пирки анлăн пĕлтерсе тăма икĕ номинаципе йĕркеленĕ.
"Ĕç сыхлавĕн службин ĕçĕнчи тата ĕç условийĕсемпе сыхлавне лайăхлатас ĕçри малта пыракан опыта çутатасси" номинацире пирĕн "Авангард" хаçата çĕнтерỹçĕ тесе палăртнă, пĕрремĕш степеньлĕ дипломпа наградăланă, ноутбук парнеленĕ.
Сăмах май каласан, редакци юлашки вунă çул хушшинче çакăн пек сумлă конкурссенче малти вырăна пуçласа тивĕçрĕ.
(Хамăр корр.)
Источник: "Авангард" (газета Батыревского района)