11 декабря 2013 г.
Раштавăн 9-мĕшĕнче _ Паттăрсен кунĕнче _ Совет Союзĕн Геройĕсене, Раççей Геройĕсене, Георгий Çветтуй орденĕн тата Мухтав орденĕн тулли кавалерĕсене чысларĕç.
Революциччен раштавăн 9-мĕшĕнче Çветтуй Георгий Победоносец орденне тивĕçнисене хисеп тунă. Вăл _ тăватă степеньлĕ награда. Пĕрремĕш степень ыттисенчен сумлăрах. Октябрьти революци хыççăн асăннă наградăна пăрахăçланă. Вăл 2000 çултан тин Раççей Федерацийĕн Президенчĕн çав çулхи çурла уйăхĕн 8-мĕшĕнчи Хушăвĕпе çарăн аслă наградин пĕлтерĕшне илнĕ.
2007 çулхи кăрлачăн 25-мĕшĕнче, унччен Георгий хĕресĕн орденĕ кавалерĕсене палăртнă кунăн статусне тавăрас тĕллевпе хатĕрленĕ саккун проектне РФ Патшалăх Думинче сỹтсе явиччен, ун чухнехи спикер Б. Грызлов массăллă информаци хатĕрĕсене панă интервьюра Раççей тĕп уявĕсенчен пĕрин сумне каялла тавăрасси çинчен пынине, çĕр-шывăн тепĕр паллă кунĕ обществăра патриот туйăмне ỹстерме, Тăван çĕр-шыв ирĕклĕхĕпе никама пăхăнманлăхĕшĕн хăйĕн пурнăçне хỹтĕлеме хатĕррине кăтартма хистекен уяв пулнине палăртнă. Депутатсен пуçарăвне Федераци Канашĕ ырланă, 2007 çулхи нарăс уйăхĕн 28-мĕшĕнче ăна Раççей Президенчĕ çи-рĕплетнĕ.
"Хыпартан".
Источник: "Авангард" (газета Батыревского района)