18 декабря 2013 г.
Пĕр апат кашăкĕ тулă е ыраш хывăхне 2 стакан шыва ямалла та 30-40 минут пăтратса тăрса вĕретмелле. Пĕр апат кашăкĕ пыл хушмалла, каллех кăшт вĕретмелле. Кунне 3-4 хутчен 50-шар грамм ăшăлла ĕçмелле. Ку йывăр чирлĕ, ватă çынсемшĕн, халсăр ачасемшĕн сиплĕ. Вăй-хала çĕклет, энерги нумай парать. Пыла тутанса пăхса ямалла.
Пĕр стакан хупăллă сĕлле шывра çумалла, 5 стакан сивĕ шыв хушса вăйсăр çулăм çине вĕретме лартмалла. Шĕвеке малтанхи çурри юличчен вĕретмелле. Сăрăхтарнă хыççăн çавăн чухлех сĕт хушмалла, тепĕр хут вĕретмелле. 4 чей кашăкĕ пыл хушса татах вĕретмелле.
Ватлăх харсăрлăхне шурлăх çăлтăр курăкĕн тата ыраш улăмĕн шĕвекне ĕçсе сиплемелле. Ыраш улăмĕпе çăлтăр курăкне çурмалла илмелле. Ку шĕвеке чей вырăнне ĕçме юрать. Вăл вăй-хал парать, сывлăха çирĕплетет.
Источник: "Авангард" (газета Батыревского района)