18 декабря 2013 г.
Хуть хĕлле, хуть çулла питĕ вăйлă тарлатăп. Хул айĕ яланах йĕп-йĕпе, ырă мар шăршă кĕрет. Мĕн тумалла-ши?
Е. ИВАНОВА.
Тар шăрши ытла вăйлă пулсан парфюмери дезодоранчĕсемпе усă курмалла мар. Вĕсем ырă мар шăрша вăхăтлăх çеç чакараççĕ, тар парĕсене те, бактерисем ĕçлессине те витĕм кỹреймеççĕ. Сире бактеростатика витĕмĕллĕ дезодорант кирлĕ. Паллах, ăна çуса тасатнă ỹте кăна сĕрмелле. Хул айĕнчи çỹçе хырсах тăмалла: унсăрăн унти бактерисене ĕрчеме питĕ меллĕ, шăпах вĕсем ырă мар шăршă кĕртеççĕ.
Хул айĕнчи ỹт хĕрелсе тăрсан, кĕçĕтсен антиперспирантпа, спиртлă дезодорантпа вăхăтлăх усă курма пăрахăр. Вĕсен вырăнне тальк лайăх.
Источник: "Авангард" (газета Батыревского района)