14 декабря 2013 г.
30 _ 40 ÇУЛ руль умне ларса инçе çула тухакан аслă ăрури водительсем хушшинче хăйсен тимлĕхне тата асăрханулăхне пула пĕр хутчен те аварилле лару-тăрăва çакланманнисем пайтах. Малашне те вĕсене усалтан пирĕштийĕсем сыхлаччăрах. Çав вăхăтрах тимĕр утпа çỹреме пикенни виçĕ çул çитичченех тĕрлĕрен статьяпа айăпланакансем те сахал мар. Кăçалхи вун пĕр уйăхра çеç гаишниксем çакнашкал вун тăватă тĕслĕхе шута илнĕ. Вĕсенче вара пĕр çыннăн пурнăçĕ татăлнă, çирĕм пĕрĕшĕ аманнă.
Сăмах май каласан, асăннă тапхăрта районта 42 авари пулнă, инкекре виççĕн вилнĕ, 54ăшĕ суранланнă.
Источник: "Авангард" (газета Батыревского района)