Публикации » “Халăх тарçисем” – сывă пурнăç йĕркишĕн

10 января 2013 г.

Вăрман çывăхĕнче пурăнакан Аслă Чемен ял тăрăхĕнчи чылай вăй питти çынсем сывă пурнăç йĕркишĕн кар тăраççĕ. Вырăнти депутатсем вара вĕсемшĕн яланах ырă тĕслĕх. Çĕнĕ çулпа Раштав уявĕсенче те хастарсем алă усса ларма шутламан. “Сывлăх кунне” хутшăнса футболла выляма кашни округранах лайăх командăсем хатĕрленĕ. Çивĕч те хĕрÿ кĕрешÿре ултă ушкăн хушшинче Владимир Кадушкин депутат командинчи спортсменсем пысăк ăсталăх кăтартса пĕрремĕш вырăна çĕнсе илнĕ. Уйрăм номинацисенчен “Чи лайăх тапăнса вылякан” ята Артем Кадушкин тивĕçнĕ. Вăл хирĕçри хапхана тăхăр мечĕк тапса кĕртнĕ.