10 января 2013 г.
Кăрлачăн 7-мĕшĕнче чăвашсем хĕллехи савăнăçлă та паллă уява – Сурхурине уявлама пикенеççĕ. Çак хаваслăх Кăшарнинче, 19-мĕшĕнче, вĕçленет. Ĕлĕкхи йăла-йĕркепе ăна маларахах хатĕрленнĕ. Ачасемпе çамрăксем килтен-киле çÿресе ĕçме-çиме, салат-хăмла, кĕрпе-çăнăх пуçтарнă... Уяв кунĕнче вара, юмăç янă, картана кĕрсе сурăх ури тытнă тата ытти те. Тепĕр кунне çветке пуçланнă. Ÿркенменнисем эрнипех пĕр-пĕрне савăнăç кÿнĕ. Эсир вара пĕрле хавасланма, ĕлĕкхи йăла-йĕркене аса илме хатĕр-и;