01 января 2013 г.
ÇĔНĔ ÇУЛА савăк кăмăлпа кĕтсе илнĕ хыççăн чылайăшĕ шкулта вĕренекенсем пекех, вă-ă-рăм каникула кайĕ. Икĕ эрнере çичĕ тинĕс леш енчи çĕр-шыва та çитсе килĕн. Хăш-пĕр кантурсем вара кану кунĕсенче те ĕçлĕç. Сăмахран, район администрацийĕн ЗАГС пайĕ кăрлачăн 3, 4, 5, 6-мĕшĕсенче кашни кунах 10 сехетрен пуçласа 15 сехетчен граждансене хăйсен ыйтăвĕсемпе йышăнĕ. Пурнăçăн хăйĕн йĕрки: çав тапхăрта ача çурални те, мăшăрсем йăва çавăрни те, пурнăçран ĕмĕрлĕх уйрăлнă тĕслĕхсем те пулĕç.