01 января 2013 г.
РАШТАВĂН 1-24-мĕшĕсенче республикăри суд приставĕн управленийĕ ятарлă акци йĕркеленĕ. Сахал вăхăтрах йĕрке хуралĕн сотрудникĕсем Чăваш Енпе 4,7 миллион тенкĕлĕх алимент шыраса илнĕ, 71 парăмçăна административлă явап тыттарнă, 44-шĕнпе уголовлă ĕç пуçарнă тата ытти те. Урăхла каласан кĕске тапхăртах приставсем чылай парăмçăна ура çине тăратнă.
Ку тĕлĕшпе Патăрьелĕнчи суд приставĕн сотрудникĕсем те оперативлă ĕçленĕ. Аслă суд приставĕ Г.Афки пĕлтернĕ тăрăх, виçĕ эрнере тÿлеврен тарса çÿрекенсенчен 119 пин тенкĕ шыраса илнĕ. Унсăр пуçне улттăшĕн пурлăхне арестленĕ, 18-шне вара уголовлă яваплăх пирки асăрхаттарнă.