21 декабря 2013 г.
ÇИТЕС эрне кун Чăваш Енĕн тĕп хули Олимп çулăмне чыслăн йышăнĕ. Ку тĕлĕшпе Шупашкар 95-мĕш вырăн пулĕ. Ăна чукун çул вокзалĕнче кĕтсе илессине, çулăма Олимп вăййине виçĕ хут хутшăннă, пĕринче кĕмĕл призер, тепринче чемпион пулса тăнă Елена Николаевана тыттармаллине те вулакансене маларах пĕлтернĕччĕ. Истори пĕлтерĕшлĕ пулăма асра юлмалла тăвас тесе тĕрлĕ хулапа ялта тĕрлĕ майсем шухăшласа кăлараççĕ. Пĕр хулара, сăмахран, тĕве çине хăпарса ларнă çын ăна тытса пынăччĕ. Пирĕн, паллах, ун пек чĕр чунсем çук. Тĕрĕссипе, çынсем тунă тĕлĕнтермĕше тепĕр хутчен усă курни те аван мар пек. Республикăри эстафетăна урхамаха тата Хĕл Мучие явăçтарасшăн-мĕн. Çывхарса килекен лаша çулталăкĕнче çакă интереслĕ те пулмалла.
Источник: "Авангард" (газета Батыревского района)