Публикации » Банк картти вăрра ан лектĕр

01 января 2013 г.

КУ чухне организацисемпе предприятисенче, учрежденисенче ĕçлекенсем пурте тенĕ пекех шалăва банк карттипе илеççĕ. Çĕнĕлĕхе хăнăхиччен меллĕ пек туйăнмастчĕ. Халĕ вара çакăнтан лайăх мел те çук пек туйăнать. Кирек хăш вăхăтра та кĕмĕлне кай та ил. Анчах унпа усă курнă чухне питĕ тирпейлĕ те пулмалла иккен. Ăна кирлĕ мар çĕрте ирĕккĕн вырттарса çÿреме юрамасть. Çакнашкал мелпе усă курса пĕр чиперкке хăйĕн юлташĕн килĕнченех банк карттипе пин-кодне вăрласа тухнă та счет çинчен вунă пинне хăйĕн тунă-хунă. Кайран вара нимĕн пулман пекех вырăнне кайса хунă. Никам та сисмĕ тенĕ-ши; Район сучĕ вара чее çулпа укçаллă пулас текене айăпланă, сакăр пин тенкĕ штраф панă. Вăт вăрла! Юрать-ха уяв умĕн Хĕл Мучи унăн аллине шăнтса авса хуман...