Публикации » Ĕçе хăнăхни хăйсемшĕн

21 декабря 2013 г.

"Çỹрен каска якалнă, выртан каска мăкланнă", тенĕ ваттисем. Вăхăта усăсăр ирттерсе сая яриччен мĕн те пулин ĕçе хăнăхни вырăнлах çав. Çакна тĕпе хурса 5-7 классенче вĕренекен ачасем Н. Никитина вĕрентекен ертсе пынипе районти тĕп библиотекăра йĕркеленĕ "Тĕрĕ тĕнчипе" паллашма çул тытрĕç. Çитĕнекен ăрăва урокра вĕреннине çирĕплетме май пулчĕ. Вĕсем выставкăра алă ĕçне парăннă çынсен пултарулăхĕнчен тĕлĕнмеллипех тĕлĕнчĕç. Çиппе тата биссерпа тĕрленĕ тĕрĕсем ачасен чунне тыткăна илчĕç. Çывăх вăхăтрах вĕсем хăйсем те алла йĕппе çип тытса тĕрлĕ ỹкерчĕк ăсталама шантарчĕç.

А. НИКИТИНА

Источник: "Авангард" (газета Батыревского района)