Публикации » Ĕмĕр ĕмĕрлесси уй урлă каçасси çеç мар…

28 декабря 2013 г.

ХАЛЬХИ вăхăтра Юхмапа Пăла тăрăхĕнче тăххăрмĕш теçеткене хыçа хăварнă 177 çын пурăнать. Ял тăрăхĕсемпе илес пулсан ку тĕлĕшпе Туçасем пуянтарах. Паян кунта вуннăмĕш теçеткене кайнă 25 шур сухал пурăнать. Иккĕмĕш вырăнта _ Шăнкăртамсем. Ĕмĕр ĕмĕрлесси уй урлă каçасси çеç мар теççĕ. Сывлăха упрама вăй-хăват та, чăтăмлăх та кирлĕ. Вăрăм ĕмĕрлисен "партийĕнче" вара ытларах (88 проценчĕ!) хĕрарăмсем, ача амăшĕсем. Кун пирки арçынсен çĕнĕ çулта çамка çине картса хумалăх пур. Сăмах май каласан, кăçал пирĕн районта пĕр çын çеç 100 çулхи юбилейне паллă турĕ. 2014 çулта çак савăнăçа хăйсен çывăх çыннисемпе тăххăрăн пайлĕç. Вĕсене пурне те Турă сывлăх патăрах.

Источник: "Авангард" (газета Батыревского района)