28 декабря 2013 г.
Вăрнар поселокĕнче ирĕклĕ майпа кĕрешессине йĕркелесе яракан В. Егоров ячĕпе арçын ачасемпе хĕр ачасен республика шайĕнче кĕрешекенсен уçă турнирĕ иртрĕ. Унта
пирĕн районтан Аслă Арапуç шкулĕнчи 5 класра вĕренекен М. Молочников та хутшăнчĕ. Максим 35 килограмлă виçере 16 спортсмен хушшинче финалта кĕрешсе иккĕмĕш вырăна тухма пултарчĕ. Арçын ача хăйĕн пултарулăхне 4 çул каялла туптама пуçланă. Республика шайĕнче, Чĕмпĕр облаçĕнчи ăмăртусенче темиçе хутчен те малти вырăнсене йышăннă вăл. Çавна май медальсемпе грамотисем ỹссех пыраççĕ кĕрешỹçĕн.
Максим вĕренỹре те малта. Унăн дневникĕнче "4" тата "5" паллăсем çеç. Шкулта ирттерекен чылай мероприятине хастар хутшăнать.
М. ЗЕЙНЕТДИНОВ, тренер
Источник: "Авангард" (газета Батыревского района)