01 января 2014 г.
Ача-пăча учрежденийĕсемпе ĕç коллективсенче эрне тăрăшшĕпех Çĕнĕ çул савăнăçне пайламалли уявсем иртсе пычĕç. Шкулсенчи хăш-пĕр хастар та пултаруллă ачасем, вĕренỹ отличникĕсем район администрацийĕн пуçлăхĕн елкине хутшăнса Хĕл Мучипе Юрпикерен уйрăм парнене те тивĕçрĕç. Районти культурăпа кану центрĕнче йĕркеленĕ уявра çĕр ача капăр чăрăш йĕри-тавра тăрса чылайччен юрларĕç-ташларĕç, шỹтлĕ сăвăсемпе тĕлĕнтерчĕç. Николай Глухов пур енĕпе те кăтартуллă вĕренекенсене çывхарса килекен çулталăкра та вĕренỹре, спортра, общество пурнăçĕнче хастар пулма ырă сунчĕ.
Источник: "Авангард" (газета Батыревского района)