Публикации » Аслă Чеменсем çулталăка паллă тунă

11 января 2014 г.

 ИРТСЕ кайнă çулталăк Аслă Чеменсемшĕн асра юлаканнисем шутĕнче çырăнса юлнă. 2013 çулта районти ял тăрăхĕсем хушшинчи Спартакиадăра вĕсем пĕрремĕш вырăн йышăннă. Савăнăçа вĕсем сарăмсăр çеç ирттерсе яма шутламан. Çак ятпа спорт каçалăкĕнче çитĕнỹ хыççăн çитĕнỹ тăвакансем валли Олимп балне йĕркеленĕ. Мероприятие хутшăннисене Гаврил Медведев ял пуçлăхĕпе вăтам шкул директорĕ Марина Медведева Çĕнĕ çул тата Раштав уявĕсем ячĕпе ăшшăн саламланă, малашне те сывă пурнăç йĕркине пăхăнса пыма çирĕп сывлăх, ăнăçу суннă. Бала ертсе пыракан Л. Ежова библиотекарьпе М. Латышова вĕренекен спортсменсене кăсăклă вăйă-кулăпа савăнтарнă.

Источник: "Авангард" (газета Батыревского района)