25 января 2014 г.
ЮЛАШКИ çулсенче районти ЗАГС пайĕ 50, 60 е тата та ытларах çул пĕрле пурăнакансене ăшă сăмах каласси ырă йăлана кĕрсе пырать темелле. Кирек мĕн каласан та вăрăм ĕмĕрлĕ, кăтартуллă çемьесем сахалланăçемĕн сахалланса пыраççĕ. Пĕлтĕр, сăмахран, кăрлач уйăхĕнче çеç Юхмапа Пăла тăрăхĕнчи вун çичĕ мăшăра ылтăн туй ячĕпе ăш пиллĕн саламланă. Пархатарлă пурнăçшăн ят-сума тивĕçлисем кăçал та пур. Анчах сахалтарах. Çĕнĕ çулăн пĕрремĕш уйăхĕнче çичĕ кинемейпе мучине çеç ачисемпе мăнукĕсем, тăван-пĕтенĕ кĕрекере çавра сăмахсем калаççĕ. Вĕсенчен Вăрманхĕрри Шăхалĕнчи Виталий Константиновичпа Елизавета Максимовна Едифановсем тата Ыхра Çырминчи Абзалетдин Камалетдиновичпа Рушания Нуртдиновна Хакимовсем сакăршар ача çуратса ỹстернĕ, пурнăç çулĕ çине кăларнă.
А. Егорова
Источник: "Авангард" (газета Батыревского района)