25 января 2014 г.
Кăрлачăн 23-мĕшĕнчен пуçласа нарăсăн 23-мĕшĕччен Чăваш Енре Пĕтĕм Раççейри оборонăпа спорт уйăхлăхĕ пырĕ. Йăлана кĕнĕ мероприятие пирĕн район та хастар хутшăнĕ. Кăçалхи уйăхлăха Тăван çĕр-шыва хỹтĕлемелли куна тата Тăван çĕр-шывăн 1941 - 1945 çулсенчи Аслă вăрçинче çĕнтерỹ тунăранпа 69 çул çитнине халаллаççĕ. Унăн тĕп тĕллевĕ _ çитĕнекен çамрăк ăрăва патриотла воспитани парасси, физкультурăпа спорта аталантарасси, сывлăха çирĕплетесси тата çавна май çамрăк каччăсене çар службине тивĕçлипе хатĕрлесси.
Уйăхлăх тапхăрĕнче районти вĕрентỹ учрежденийĕсенче паттăрлăх урокĕсем ирттерĕç, çавра сĕтел тавра калаçусем йĕркелĕç, наукăпа практика конференцийĕсем пулĕç, тĕрлĕрен конкурссемпе, вăйăсемпе тĕлĕн-терĕç тата ытти те. Ятарлă кунсенче çамрăксем Тăван çĕр-шывăн Аслă вăрçин, Афганистан, Чечен вăрçисен участникĕсемпе, тыл хастарĕсемпе куçа-куçăн тĕл пулни те чылайлăха асра юлĕ.
Çарпа спорт уявĕнчех вырăнсенче йĕркелекен "Зарница" тата "Орленок" спорт вăййисем те çивĕч кĕрешỹре иртĕç.
Хамăр корр.
Источник: "Авангард" (газета Батыревского района)