Публикации » Çур литр сăрашăн вăтăр пин кăларса хума тивĕ!…

29 января 2014 г.

САККУН умĕнче пурте пĕр тан. Çылăха кĕрсе йĕркене пăсрăн пулсан, явап тытмах тивет. Нумай пулмасть прокуратура сотрудникĕсем районти суту-илỹ магазинĕсенче алкоголь продукцине сутнă чухне йĕркене епле пăхăннине тĕрĕсленĕ. Шăпах çак вăхăтра Патăрьелĕнчи "Ял хуçалăх апат-çимĕçĕ" магазинăн пĕр сутуçи йĕрке хуралçисен аллине çакланнă та. Çакскер вун тăваттăри хĕрачана вăл миçе çулта пулнипе кăсăкланмасăрах сăра тыттарса янă. Çапла вара вăл РФ КоАПăн 14.16 статйин 2.1 пайне пăсса питĕ пысăк çылăх тунă. Уншăн вара пĕрре те пуçран шăлмаççĕ. Лавккаçăн йĕркене пăхăнманшăн 30000 тенкĕ штраф тỹлемех тивĕ.

Источник: "Авангард" (газета Батыревского района)