15 февраля 2014 г.
"Шел, вăхăт сахалрах, унсăрăн Сочирех юлнă пулăттăм _ ăмăртусем вĕçлениччен..." _ çапла палăртнă хăйĕн кăмăл-туйăмне хĕллехи Олимп вăййисем иртекен хулара пулса килнĕ хыççăн республикăн Патшалăх Канашĕн Председателĕ Юрий Попов.
"Олимпиада уçăлнине телевизорпа пурте пăхнă-тăр. Анчах хăв унта пулни, йăлтах хăвăн куçпа курни _ пачах урăх лару-тăру, урăх ỹкерчĕк. Халăх, куракансем, волонтерсем _ пурте савăнăçлă, хаваслă, тĕлĕнмелле сывлăш! Çавăнпа хам та халĕ те лăпланса çитейместĕп. Питех те сумлă çак ăмăртусем, тĕлĕнмелле уяв ниçта та мар _ Сочире, Раççейре иртни пушшех мăнаçлăх кỹрет", _ тенĕ Юрий Алексеевич. Олимп объекчĕсем, çулсем, вокзалсем пĕтĕмпех çỹллĕ шайра.
Хальлĕхе Раççей командин икĕ ылтăн медаль, пилĕк _ кĕмĕл, тăватă _ бронза. Виçĕм кун арçынсен хоккей команди Словенине 5:2 шутпа çĕнтерни пысăк шанăç кỹрет.
(Хамăр корр.).
Источник: "Авангард" (газета Батыревского района)