Публикации » Чир-чĕре тымар яма парар мар

12 февраля 2014 г.

ХАЛЬХИ вăхăтра çĕр-шывĕпех çынсен сывлăхне тĕплĕн тĕрĕслеççĕ. Медицина чĕлхипе ăна "диспансеризаци" теççĕ. Пĕлтĕр ку тĕлĕшпе шурă халатлисем пирĕн районта та пысăк ĕç туса ирттернĕ. Çулталăк тăршшĕпе 6853 гражданин тĕрлĕ тухтăр патĕнче пулнă, сывлăх тĕлĕшĕнчен хăйсене пăшăрхантаракан ыйтусемпе калаçнă, анализсем парса чир-чĕрне уçăмлатнă. Пĕтĕмĕшле илсен виçĕ çулта списока кĕртнисен 97 проценчĕ яваплăха туйса Патăрьелĕнчи тĕп сыватмăшра çак ĕçе пурнăçланă. Кăрлачра канмалли кунĕсем ытларах пулнине пăхмасăрах тухтăрсем 773 çынна йышăнма ĕлкĕрнĕ.

Источник: "Авангард" (газета Батыревского района)