12 февраля 2014 г.
СОЧИНЧЕ хĕллехи Олимпиада спортсменĕсене хавхалантарас, куçранах пулмасан та вĕсене вăй парас тĕллевпе Юхмапа Пăла тăрăхĕнче те тĕнче шайĕнчи вăйă пуçланнăранпах тĕрлĕрен спорт ăмăртăвĕсем иртеççĕ. Акă, малтанхи икĕ кунĕнче районта "Прикоснись к олимпийскому огню" акци иртрĕ. Олимп çулăмне районта чăн малтанах Нăфрваш Шăхалĕнчи, Турханти, Алманчăри, Сăкăтри вăтам шкулсенчи, "Паттăр" спорт шкулĕнчи, "Россельхозбанкри" спортсменсемпе уйрăм хастарсем сĕртĕннĕ, Раççей чысне хỹтĕлекенсене пысăк ăнăçу суннă. Мероприятисенче олимпиада историйĕ, тĕрлĕ шайри спортсменсен пултарулăх çулĕ пирки те калаçу хускатнă.
Источник: "Авангард" (газета Батыревского района)