Публикации » Кĕнеке выставкинче

12 февраля 2014 г.

Нăрваш Шăхалĕнчи вăтам шкул библиотекинче Культура çулталăкне халалланă кĕнеке выставки уçăлчĕ. Ăна тĕрлĕ тематикăпа хатĕрленĕ. Унта кашни ачах пулма тăрăшать. Пиллĕкмĕшĕнче вĕренекенсем вара Т. Кузьмина класс ертỹçипе пĕрле ушкăнпах килчĕç. Т. Сергеева библиотекарь Чăваш Енри художниксем, артистсем, композиторсем çинчен тĕплĕн каласа пама тăрăшрĕ. Ачасен хăйсен те интересĕ çуралчĕ: ялта пурăнакан тĕрĕçсене тупса палăртасшăн вĕсем. Черетлĕ класс сехетĕнче кун пирки тепĕр калаçу пулĕ. Çулталăк тăршшĕпе палăртнă мероприятийĕсем сахал мар вĕсен. Вăл шутра культурăпа çыхăннисем те йышлă.

Н. ПАВЛОВА

Источник: "Авангард" (газета Батыревского района)