05 марта 2014 г.
ÇУРКУННЕН пĕрремĕш уйăхĕ кашни çыннăн чĕринче ăшă та ырă туйăм çуратать. Çанталăкĕ кулленех ăшăтас енне сулăнса пырать, çур хĕвелĕ самаях хĕртет. Путăксемпе варсенче çĕмĕрĕлсех шыв кĕрлемест пулин те, çул çинче те, айккинче те кỹленчĕксем нумай. Çакă вара малашне сыхă пулмалли паллă та тесе калас килет.
Çурхи шыв-шур хавас кăмăлпа пĕрлех инкек-синкекне, пăтăрмахне илсе ан килтĕр тесен, Пăлари е урăх çырмари шыв хăпарса сарăласран та, çулсене татса каясран, çĕмĕрсе пĕтересрен, уйрăм çынсене шар кăтартасран сыхланса вырăнсенче ун валли çулне маларах уçса, хатĕрленсе тăмалла. Инкек тени айккинчен иртсе кайтăр.
Источник: "Авангард" (газета Батыревского района)