Публикации » Теветкеллĕх хака ан лартăр

19 марта 2014 г.

 ПĔЧĔК ачасемпе çула тухакан хăш-пĕр водительсем ятарлă креслосенче лартса хăрушсăрлăх пиçиххийĕпе çыхăнмаллине вырăна та хумаççĕ тейĕн. Кун пирки ГИБДД инспекторĕсем кашнийĕнчех аса илтерсех тăраççĕ пулин те йĕркене пăсакансем çав-çавах тупăнаççĕ. Теветкеллĕх вара пур чухне те лайăхпа вĕçленмест. Нумай пулмасть аслă çул çинче пулнă пысăк аваринче вилнĕ икĕ пĕчĕк пепке те ятарлă ларкăчсем çинче мар, ашшĕпе амăшĕн чĕрçи çинче çеç пулнă. Çак кунсенче иртнĕ рейд вăхăтĕнче те пакунлисем çул-йĕр правилине пăсакансем пирки 68 протокол çырнă, икĕ водителе ачасене лартса çỹремелли йĕркене пăхăнманшăн виçшер пин тенкĕ штраф панă.

Источник: "Авангард" (газета Батыревского района)