Публикации » Пысăк уланкăна тытма çăмăл мар

26 марта 2014 г.

 ПĂР çийĕ çỹхелсех кайиччен иртнĕ эрнере республикăри полици сотрудникĕсем хушшинче пулă тытассипе пысăк ăмăрту йĕркеленĕ. 69 çын та хутшăннă-мĕн тупăшăва. Юхмапа Пăла тăрăхĕнчен унта райшалĕçпай оперативлă дежурнăйĕ Фениль Бикчурин хутшăннă. Майор çак "чирпе" тин те çеç аптăраман иккен. Ĕçрен ирĕк кунсенче çемье пуçлăхĕ пулă тытса та кăмăлне уçать, ухатара та реххетленет. Çавăнпа вăл пăр айĕнчи йăмпăлккасе хăйне улталаттарман. Пĕрремĕш вырăна çĕнсе илнĕ Çĕнĕ Шупашкарти аслă лейтенант 240 грамлă уланкăна çаклатнă пулсан, вăл ун хыççăнах кăшт çеç пĕчĕкреххине туртса кăларнă. Паллах, хаклă парнене тивĕçнĕ.

Источник: "Авангард" (газета Батыревского района)