26 марта 2014 г.
ИШЛĔ ял тăрăхĕнче килти хушма хуçалăхра йышлă выльăх усракан нумай. Вĕсенчен пĕрисем _ Анисимовсем. Раисапа Василий картари выльăхсене кăмăлтан пăхаççĕ. Вĕсем паян та сахал мар: икĕ ĕне, виçĕ пăру, тăватă сурăх, сысна ами... Вăхăта усăллă ирттермелĕх чĕлхесĕр янаварĕсем çителĕклĕ. Кун каçа лăш курмасăр ĕçлени çемьене тупăш çеç кỹмест, ырă ят çĕнсе илме те пулăшать. Сăмахран, 2013 çулта вĕсем 12340 килограмм сĕт сутса Чăвашпотребсоюз йĕркелекен конкурсра та çĕнтернĕ. Ĕçченсемпе савăнмалăх та, ырă тĕслĕхшĕн мухтамалăх та пур.
Источник: "Авангард" (газета Батыревского района)