Публикации » Пĕр тренерĕ Украинăран, тепри _ Чăвашран

26 марта 2014 г.

ПĂЛАÇИ Атăк хастарĕ, çăмăл атлетика спорт мастерĕ, Раççей Федерацийĕн хисеплĕ вĕрентỹ ĕçченĕ, хальхи вăхăтра Çĕнĕ Шупашкарти спорт шкулĕн тренерĕ Василий Никитин Чăваш Енти чи пултаруллă тренерсен йышĕпе Сочинчи паралимп вăййисене кайни пирки вулакансене маларах систернĕччĕ. Василий Николаевич пысăк ăмăртуран хавхаланса таврăннипе пĕрлех çĕнĕ туссем те тупса килнĕ: Олимп вăййисене хутшăннă Патăрьел чăвашĕ Владимир Иванов Украинăн тава тивĕçлĕ тренерĕ-мĕн. Вăл хатĕрленĕ биатлонистка Оксана Шишкова 6 тата 12 çухрăма чупса япăх куракансем хушшинче пăхăр медаль çĕнсе илнĕ.

Источник: "Авангард" (газета Батыревского района)