26 марта 2014 г.
Шалти ĕçсен министерствин муниципалитетсем хушшинчи "Батыревский" уйрăмĕнче пăшала упрама тата унпа усă курма ирĕк паракан уйрăм граждансемпе организацисене кашни эрнере ытлари кунпа кĕçнерни кун йышăнаççĕ. Çавăн пекех хальхи вăхăтра çынсем ку ыйтупа çырнă заявленисене Патшалăх пулăшăвĕн порталĕ урлă та тăратма пултараççĕ. Çакăн валли гражданинăн пенси свидетельствипе тата ИННпа усă курса патшалăх пулăшăвĕн порталĕнче регистрациленмелле, "Раççей Почти" е "Ростелеком" урлă активаци кодне илмелле.
Унсăр пуçне Порталпа патшалăх пулăшăвне илме заявка çырмалла.
Саккунпа палăртнă вăхăт иртсессĕн черет тăмасăрах хатĕр документа районти шалти ĕçсен пайĕнчен килсе илме пултаратăр.
Хĕç-пăшала упрама тата унпа усă курма ирĕк паракан лицензи илес ĕç енĕпе ыйтусем пулсан граждансем çак номерпе шăнкăравлама пултараççĕ: 5 _ 04 _ 08.
Çак адреспа килмелле: Патăрьел ялĕ, Туслăх урамĕ, 4-мĕш çурт.
А. АНТИПОВ, районти хĕç-пăшал инспекторĕ.
Источник: "Авангард" (газета Батыревского района)