29 марта 2014 г.
Пурнăçра кашни çын хăйĕн профессине тĕплĕн шутланă хыççăн суйласа илет: вĕрентекен е тухтăр, инженер е библиотекарь...
Полици работникĕ пулма ĕмĕтленекенсем те сахал мар. Хăйĕн шăпине йĕрке хуралĕн органĕпе çыхăнтарас текенĕн ыттисемпе танлаштарсан чăн малтан пур енĕпе те сывлăхлă, физкультурăпа спорт енĕпе пиçĕхнĕ çын пулмалла. Кун пирки чылайăшĕ пĕлеççĕ ĕнтĕ. Çавăнпа та район полицийĕ урлă Раççей шайĕнчи тĕрлĕрен аслă шкулсене вĕренме кĕрекенсене ытти йышши экзаменсемпе пĕрлех ку тĕлĕшпе те питĕ çирĕп ыйтаççĕ. Апла пулин те хăйсен ĕмĕтне пурнăçа кĕртес текенсем пирĕн районта та пур. Ку таранччен право ыйтăвĕсемпе ĕçлекен специальноçсемпе професси илес текен вун тăватă çамрăк пирĕн пата ыйтупа тухрĕç. Вĕренме кайма çырнă заявленисене, унпа пĕрле кирлĕ документсене майăн 1-мĕшĕччен йышăнатпăр. Тĕплĕнрех _ 6-17-91 телефонпа.
В. УРУКОВА, полицин пай пуçлăхĕн çумĕ
Источник: "Авангард" (газета Батыревского района)