02 апреля 2014 г.
ХАМĂР пурăнакан вырăна таса та тирпейлĕ тытса хăтлăх кỹрес, йывăç-курăкпа пуянлатса ешĕллетес, ишĕлсе çĕмĕрĕлекен çырансене тĕреклетес тĕллевпе район администрацийĕ çулсеренех ятарлă акцисене хутшăнать. Хальхинче те мартăн 20-мĕшĕнчен пуçласа июнĕн 5-мĕшĕччен Пĕтĕм Раççейĕпе экологи хăрушлăхĕнчен хỹтĕленмелли кунсене пысăк пуçарулăхпа хутшăнас тĕллевпе район администрацийĕн пуçлăхĕ Н. Глухов хушу кăларнă. Унпа килĕшỹллĕн кашни ял тăрăхĕ, организаци, предприятинче тăрăшакансем массăллă субботниксем йĕркелесе урамсемпе обществăлла вырăнсене тасатмалла, тавралăха нĕрсĕрлетекен çỹп-çапсене пуçтармалла, çĕнĕ хунавсем лартса вĕсене йăл илме пулăшмалла. Иртнĕ эрне кун Патăрьелĕнче пĕрремĕш хут урамсене тасатма ниме йĕркелерĕç.
Источник: "Авангард" (газета Батыревского района)