02 апреля 2014 г.
РАЙОН центрĕнче ял тăрăх пуçлăхĕн парнине çĕнсе илес тĕллевпе урамсем хушшинче волейболла выляса тупăшасси ырă йăлара. Хальхинче финалти ăмăртура пилĕк кас спортсменĕсем хăйсен ăсталăхне тĕрĕсленĕ. Çивĕч тупăшура Ленин проспектĕнчи волейболистсене çĕнтерекен тупăнман. Иккĕмĕш вырăнта Калинин, виççĕмĕшĕнче Ленин урамĕнчи хастарсем. Пултаруллă спортсменсене тата уйрăм номинацие тивĕçнисене ял пуçлăхĕ А. Моисеев, пĕрлех Д. Сегов, В. Спиридонов, С. Сафьянов депутатсем саламланă, Хисеп грамотисемпе тата парнепе хавхалантарнă.
Источник: "Авангард" (газета Батыревского района)