Публикации » Мăнкунта ачасем çĕнĕ кĕпе тăхăнĕç

19 апреля 2014 г.

РАЙОНТА ыр кăмăллăх акцийĕ малалла пырать. Хамăр тăрăхри чылай ĕç коллективĕсемпе уйрăм хастарсем марафонăн ятарлă счечĕ çине самаях укçа куçарса пачĕç. Унсăр пуçне йывăр шăпаллă, нумай ачаллă çемьесене уйрăммăн алă тăсса пулăшакансем тупăнни те кăмăллă. Нумай пулмасть çеç Патăрьелĕнчи "Золотой Век" магазинри ача-пăча таварĕсене сутакан уйрăм хуçи Лариса Соборова районти халăха социаллă пулăшу паракакан центр директорĕпе Анисия Воробьевапа пĕрле район центрĕнче пурăнакан Сулагаевсен çемйине уйрăм парне турĕ _ Мăнкун праçникĕ ячĕпе тăватă ачине те капăр кĕпесем тата ытти çи-пуç та парнелерĕ.

Источник: "Авангард" (газета Батыревского района)