30 апреля 2014 г.
ИРТНĔ эрнере Патăрьелĕнчи "Паттăр" стадионта "Президент тупăшăвĕсем" районти нумай енлĕ спорт ăмăртăвĕ йĕркеленĕ. Унта çирĕм команда, 220 вĕренекен хутшăннă. Çавăнпа вăл çивĕч кĕрешỹре иртни каламасăрах паллă. Апла пулин те Первомайскинчи вăтам шкул спортсменĕсем, Валерий Никитин физкультура учителĕ ертсе пынипе, пур енĕпе те ыттисемшĕн кăтартуллă пулнă, кăнтăр районĕсенчи ушкăнсем хушшинче хăйсен вăйне виçме тивĕçнĕ. Спортсменсем кунта та маххă паман. Кỹршĕри Шăмăршăсене, Елчĕксене, Комсомольскисене, Канашсене хăйсен хыçне çеç хăварнă.
Çывăх кунсенче вара Арапуçсем республика шайĕнче пирĕн чыса хỹтĕлĕç. Унтан та вĕсем пушă алăпа таврăнмасса шанас килет.
Источник: "Авангард" (газета Батыревского района)