06 мая 2014 г.
ЧĂВАШ Енри çулсемпе пынă чухне хĕрринче хĕрессем, палăксем асăрхама пулать. Кун пек вырăнсем пирĕн районта та пайтах. Çул çинчи инкекре вилнисене асăнса тăван-пĕтенĕ çывăх çыннишĕн хурланса çапла тăвать-ха ĕнтĕ.
Республика Элтеперĕ çак йăлана пăрахăçласшăн. Ыйтăва вăл нумай пулмасть иртнĕ планеркăра та çĕкленĕ. Вăл каланă тăрăх, палăксене çул хĕррисене вырнаçтарни водительсен психикине япăх витĕм кỹрет, авари пулас хăрушлăх кăларса тăратать. Çавăнпа та ку ыйтăва муниципалитетсене уçăмлатма хушнă.
Сăмах май каласан, пачăшкăсем те ăçта килчĕ унта хĕрес-палăк лартнине ырламаççĕ. Тĕрлĕрен сăлтавпа пиртен вăхăтсăр уйрăлнисене канлĕх тупма пытармалли пĕртен-пĕр вырăн _ масар.
Источник: "Авангард" (газета Батыревского района)